JOSIMUTT FOLLOWUP: ಕುಸಿಯುತ್ತಿದೆ ಜೋಶಿಮಠ, ಮನೆ, ಕಟ್ಟಡಗಳ ಮೇಲೆ ಅಪಾಯದ ರೆಡ್ ಮಾರ್ಕ್!!
Uttarakhand | Dist Administration started marking red cross marks on buildings facing potential danger due to land subsidence in Joshimath
— ANI UP/Uttarakhand (@ANINewsUP) January 9, 2023
Singhdhar, Gandhinagar, Manoharbaag, Sunil wards declared unsafe. Entry prohibited in these wards & hence marking is being done: Chamoli DM pic.twitter.com/9S732bejGF
ಉತ್ತರಾಖಾಂಡದ ಜೋಶಿಮಠವೀಗ ಯಾವಾಗ ಕುಸಿದು ಅದರ ಅಸ್ತಿತ್ವವೇ ನಾಶವಾಗುತ್ತದೋ ಹೇಳಲು ಸಾಧ್ಯವಿಲ್ಲ. ಕಟ್ಟಡಗಳಲ್ಲಿ ಬಿರುಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಜಿಲ್ಲಾಡಳಿತ ತೆರವು ಕಾರ್ಯ ಆರಂಭಿಸಿದೆ. ಮನೆ, ಕಚೇರಿ, ಹೋಟೆಲ್ ಗಳ ಮೇಲೆ ರೆಡ್ ಮಾರ್ಕ್ ಹಾಕಲಾಗುತ್ತಿದ್ದು, ಇದರ ಅರ್ಥ ಸುರಕ್ಷಿತವಲ್ಲ ಎಂದಾಗಿದೆ.
ಈ ನಡುವೆ ಪ್ರಧಾನಿ ನರೇಂದ್ರ ಮೋದಿ ಈ ವಿಷಯದ ಬಗ್ಗೆ ತಜ್ಞರೊಂದಿಗೆ ಉನ್ನತ ಮಟ್ಟದ ಸಭೆ ನಡೆಸಿದ್ದಾರೆ.
ಜೋಶಿಮಠದಲ್ಲಿರುವ ಸರ್ಕಾರಿ ಕಟ್ಟಡದಲ್ಲಿ ಬಿರುಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಚಮೋಲಿ ಜಿಲ್ಲಾಡಳಿತ ತೆರವು ಕಾರ್ಯ ಆರಂಭಿಸಿದೆ. ಕೇಂದ್ರ ಸರ್ಕಾರ ಎನ್‌ಡಿಆರ್‌ಎಫ್‌ನ 1 ತಂಡ ಮತ್ತು ಎಸ್‌ಡಿಆರ್‌ಎಫ್‌ನ 4 ತಂಡಗಳನ್ನು ನಿಯೋಜಿಸಿದೆ.
ಜನವರಿ 2ರಿಂದ 3ರ ಮಧ್ಯರಾತ್ರಿಯಲ್ಲಿ ಈ ಪ್ರದೇಶದಲ್ಲಿ ಭೂಗತ ನೀರಿನ ಮೂಲಗಳು ಒಡೆದಿದ್ದರಿಂದ ಜೋಶಿಮಠದ ಮನೆಗಳಲ್ಲಿ ಬಿರುಕುಗಳು ಕಾಣಿಸಿಕೊಂಡವು. ಈ ಭೂಗತ ಜಲಮೂಲದಿಂದ ನಿಮಿಷಕ್ಕೆ ನಾಲ್ಕೈದು ನೂರು ಲೀಟರ್ ನೀರು ಹೊರ ಬರುತ್ತಿದೆ, ಈ ಮಂಜುಗಡ್ಡೆಯ ನೀರಿನಿಂದಾಗಿ ಭೂಗರ್ಭದ ಬಂಡೆ ಸವೆತವಾಗುತ್ತಿದೆ ಎನ್ನಲಾಗಿದೆ.
2021ರ ಫೆಬ್ರವರಿಯಲ್ಲಿ ಜೋಶಿಮಠ ಸಮೀಪದ ತಪೋವನ ವಿಷ್ಣುಗಡದಲ್ಲಿನ ಅಣೆಕಟ್ಟೆಯ ಸಮೀಪ ಸಂಭವಿಸಿದ್ದ ಮೇಘಸ್ಫೋಟದಲ್ಲಿ ನೂರಾರು ಮಂದಿ ಮೃತಪಟ್ಟಿದ್ದರು. ಹತ್ತಾರು ಮಂದಿ ಕಣ್ಮರೆಯಾಗಿದ್ದರು. ಮೇಘಸ್ಫೋಟ, ಭೂಕುಸಿತ, ಭೂಕಂಪದಂಥ ಅವಘಡಗಳು ಹಿಮಾಲಯದ ತಪ್ಪಲಿನ ಈ ರಾಜ್ಯದಲ್ಲಿ ಆಗಾಗ ವರದಿಯಾಗುತ್ತಿರುತ್ತವೆ. ಹಿಮಾಲಯದ ನೀರ್ಗಲ್ಲುಗಳು ಕರಗುತ್ತಿರುವುದು ಕೂಡ ಜೋಶಿಮಠ ಹಾಗೂ ಉತ್ತರಾಖಂಡದ ಇತರ ಪ್ರದೇಶಗಳ ಮೇಲೆ ಪರಿಣಾಮ ಬೀರುತ್ತಿವೆ. ಹಿಮಕರಗಿ ಬರುವ ಹೆಚ್ಚುವರಿ ನೀರನ್ನು ಹಿಡಿದಿಟ್ಟುಕೊಳ್ಳಲಾಗದೆ ಮಣ್ಣು ಬಿರುಕುಬಿಡುತ್ತದೆ. ಪರಿಣಾಮವಾಗಿ ಭೂಕುಸಿತದಂಥ ಘಟನೆಗಳು ಸಂಭವಿಸುತ್ತಿವೆ ಎನ್ನಲಾಗಿದೆ.
